Concours GENIAL

Dat wichtegst iwwer de Concours GENIAL

De Concours GENIAL ass e Kreativitéits- an Innovatiouns-Concours fir Kanner a Jugendlecher vu Lëtzebuerg tëschent 5 an 20 Joer. Et ass eng Initiative vu Luxinnovation, der nationaler Agence fir Innovatioun a Fuerschung, an enker Zesummenaarbecht mam Ministère de l’Education nationale a mat der Ënnerstëtzung vun enger Rei vu Partner.

Mir sichen GENAL Iddien - mee wat ass iwwerhapt eng GENIAL Iddi?

Eng GENIAL Iddi ass nei an originell a kann zum Beispill:

  • eisen Alldag verbesseren oder vereinfachen
  • e konkreten alldeegleche Problem léisen

....an dat an all Beräich !

Technik, Wirtschaft, Kommunikatioun & Medien, Sproochen, Transport, Design, Ëmwelt, Servicer, Fräizäit, Sport, Musek ... et ginn onendlech vill Méiglechkeeten a Beräicher déi op GENIAL Iddie waarden !

....an egal wéi enger Form!

Fir mat ze maachen, muss de deng Iddi duerstellen : Zeechnungen, Maquetten, Videoen, Foto-Collagen, Figuren … denger Phantasie si keng Grenzen gesat ! Alles ass erlaabt!

Wie ka matmaachen?

All Jonken tëschent 5 an 20 Joer, vu Lëtzebuerg, ka beim Concours matmaachen!

Iddie kënnen eleng oder an der Grupp ëmgesat ginn a musse vun engem Erwuessene begleet ginn (Schoulmeeschter, Proffen, Moniteuren, Pädagogen, Educateuren, Elteren ...)

Wéi kann ech matmaachen?

  1. Iwwerlee der eng GENIAL Iddi
  2. Fann en Erwuessenen deen dech aschreift a während dengem Projet begleet
  3. Setz deng Iddi ëm!
  4. Fëll den Online Formulär aus, an just 2 Minutten ass dat ganz einfach! A schéck eis eng Duerstellung vun denger Iddi (Bild, Maquette, Video,...)  virum 30. Abrëll 2016:

Luxinnovation/ Concours GENIAL
5, avenue des Hauts Fourneaux
L-4362 Esch-sur-Alzette

Méi Infos fënns de an der Rubrik  Wéi matmaachen!

Präisser

Déi GENIALsten Iddie gi mat super Präisser belount!

Besich eis op Facebook !