Enseignanten / Pädagogen

Ënnerstëtzt déi Jonk beim Fannen & Duerstelle vun hirer GENIALer Iddi !

Dir sidd Enseignant, Educateur, Pädagog oder sidd einfach a Kontakt mat Jonken zu Lëtzebuerg ?

Da maacht mat beim Concours GENIAL an ënnerstëtzt déi Jonk (vu 5 bis 20 Joer) – an der Schoul oder an der Fräizäit, eleng oder an der Grupp – beim Fannen & Duerstelle vun hire GENIALen Iddien!

Concours GENIAL: Interesséiert Dir Iech fir eis Workshops fir Schoulklassen

FIRWAT matmaachen?

Virwëtzeg sinn, ëmdenken, alldeeglech Gewunnechten a Fro stellen & der Phantasie fräie Laf loossen: dat si Méiglechkeeten fir nei Iddien ze fannen oder kreativ Léisungen ze proposéieren!

GENIAL Iddie ginn et an all Beräich: Technik, Wirtschaft, Kommunikatioun & Medien, Sproochen, Transport, Design, Ëmwelt, Servicer, Fräizäit, Sport, Musek ... de Concours GENIAL kann dofir an all Schoulklass agebonne ginn, an all Fräizäitaktivitéit oder an all Interesseveräin.

Déi verschidden Techniken & Methoden déi an der Rubrik  Gëff kreativ - erfann deng Iddi erkläert ginn, si wäertvoll Hëllefe fir ze léiere wéi ee kreativ denkt, Iddie fënnt & eraussicht, a se dono ëmsetzt. Dës Methoden erlaben et, de Concours op eng pädagogesch Manéier an d'Schoulstonnen oder d’Fräizäitaktivitéiten anzebannen.

De Concours GENIAL ass eng kreativ Art & Weis fir Jonken z’erkläere wat Innovatioun ass a firwat et esou wichteg ass nei Léisungen ze sichen a Verbesserungen ze proposéieren! 

Gidd selwer kreativ – fir dass déi Jonk et och kenne ginn!

WEI kann ech déi Jonk ënnerstëtzen? 

Ënnerstëtzt déi Jonk beim Fannen, Ausschaffen & Duerstelle vun hire GENIALen Iddien.

Hëlleft hinnen hir Gedanken e Schrëtt méi wäit ze féieren an ze strukturéieren – vum kreativen Denken, iwwert Iddie fanne bis hin zur Ëmsetzung vun hiren Iddien! Déi verschidde Kreativitéits-Techniken hëllefen dobäi!

GENIAL fir Schoulklassen

Interesséiert Dir Iech fir eis Atelieen? Reservéiert ären Datum!

Besich eis op Facebook !