Gëff kreativ

Erfann deng Iddi !

Fir d’éischt emol: wat ass iwwerhaapt eng GENIAL Iddi ?

Eng GENIAL Iddi ass nei an originell a kann zum Beispill:

  • eisen Alldag verbesseren oder vereinfachen
  • e konkreten alldeegleche Problem léisen

Wëlls du nach méi iwwert Kreativitéit léieren? Da maach mat bei eisen Workshops an fann deng GENIAL Iddi!

Et gëtt villes, wat et nach net gëtt !

…mee wéi fannen ech esou eng GENIAL Iddi ?

Do ginn et vill Méiglechkeeten: matt oppenen Aen duerch d’Liewe goen, alldeeglech Gewunnechten a Fro stellen & der Phantasie fräie Laf loossen: dat si Viraussetzunge fir nei & originell Iddien ze fannen oder innovativ Léisungen ze proposéien.

Heinsdo geet et och duer, sech ganz einfach Froen ze stelle fir eng GENIAL Iddi ze fannen:

  • du bass bestëmmt heinsdo generft vun eppes a wëlls dat änneren?
  • du bass sécher passionéiert vun eppes an hues eng nei Iddi fir et nach méi spannend, méi bekannt, méi einfach ze man oder ze verbesseren?
  • du hues bestëmmt schonn emol fonnt dass eng bestëmmte Saach besser, méi praktesch, méi liicht, méi kleng oder méi schéi kéint sinn ?
  • oder hues du vläit eng nei Iddi fir Kanner, Jugendlechen, eeler Leit oder Déieren ze hëllefen?

Et ginn onendlech vill GENIAL Iddien a Léisungen déi just drop waarde vun dir erfonnt ze ginn !

Kreativ sinn - dat kann ee léieren 

Kreativ denken, senger Phantasie fräie Laf loossen, kritesch iwwerleeën, konkret Léisunge fannen a se dono och ëmsetzen: dat alles kann ee léieren ! A wéi esou oft, zielt och hei de Prinzip: Übung macht den Meister !

Dës Säite weisen der e puer einfach Techniken a Methoden déi der hëllefen, Iddien ze fannen a se dono och mat Erfolleg ëmzesetzen! Dës 4 Schrëtt ënnerstëtzen a begleeden dech duerch all Etapp – vun der Iddi bis zur Ëmsetzung - vun dengem Projet: 

  1. Kreativ denken
  2. Iddie fannen
  3. Iddien erauswielen
  4. Iddien ëmsetzen
Wéi kommen ech op meng GENIAL Iddi ?

4 Schrëtt hëllefen der bei denger GENIALer Iddi: vun der Iddi selwer bis zur Ëmsetzung 

  1. Kreativ denken
  2. Iddie fannen
  3. Iddien erauswielen
  4. Iddien ëmsetzen
Besich eis op Facebook !